Behruzbek Oblaqulov: "Vadim Karlenovich shoshilmay o'ynashni aytgandi. Yakunda o'yinni qutqara oldik"
07 avg 16:18
Yangiliklar

Behruzbek Oblaqulov: "Vadim Karlenovich shoshilmay o'ynashni aytgandi. Yakunda o'yinni qutqara oldik"

"Mashal" – "Dinamo" (2:4) o'yinida zaxiradan maydonga tushib, so'nggi daqiqalarda Superligadagi ilk gollarini urgan va jamoaga g'alaba keltirgan Behruzbek Oblaqulov uchrashuvdan keyin klub matbuot xizmatiga o'yin taassurotlari bilan o'rtoqlashdi.

"Uchrashuv boshida xatolarga yo'l qo'ydik, lekin bolalar bilan tezda o'zimizga kelib, murabbiyning gaplariga quloq soldik. Vadim Karlenovich Abramov shoshilmay o'ynashni aytgandi. Yakunda o'yinni qutqara oldik.
Yangi o'yinchilar bilan moslashish? Zo'r bo'ldi, yangi o'yinchilarning hammasi o'yinimizga mos va to'g'ri keladigan edi, tezda qo'shilib ketishdi. Ikkinchi davraga qo'shilganlarning hammasi o'zini ko'rsatyapti. Kubokda ham, chempionatda ham maqsad yuqori.
Jamoada sog'lom raqobat borligi – bu zo'r, tajribalilar bilan raqobat o'sishimizga yordam beryapti. Jamoada ahillik juda zo'r, o'sish bo'lyapti", – dedi jamoa vingeri Behruzbek Oblaqulov.

Havola :

Manba : "Динамо" матбуот хизмати

Yangiliklarni Telegramda o'qing!

Reyting: