Viktor Karpenko: "Faqatgina oxirgi 4 kunda to'liq tarkib bilan shug'ullandik"

Uning ikkinchi qismida mezbonlar bosh murabbiyi Viktor Karpenko qatnashdi.

O'yin haqida 

- O'yin haqida to'xtalsam, muxlislarga rahmat aytmoqchiman. So'nggi daqiqaga qadar qo'llab-quvvatlashdi. Yigitlarni ham etirof etmoqchiman. Gol o'tkazib yuborishganiga qaramay, to'xtab qolishmadi. O'yin durangga munosib edi. Nimadir o'xshadi yoki o'xshamadi. Birinchi gol o'tkazib yubordik, keyin muvozanatni tikladik. Qo'limizni tushirmaymiz. Oldinga qarab intilishda davom etamiz.

- Bugun "Bunyodkor"da umuman o'yin surati, sifati ko'zga tashlanmadi. Har holda tanaffusdan oldin jamoaning o'yinida mazmun bor edi. Boz ustiga mezbon maqomida bunday to'p tepishni tushunolmadik...

- O'yin suratiga kelsak, jamoa oxirgi 4 kunda to'liq yig'ildi. SHu vaqt ichida to'liq tarkib bilan shug'ullandik. CHunki terma jamoada futbolchilarimiz ko'p edi.Tojikiston, Qirg'iziston, O'zbekistonning turli yosh toifalaridagi terma jamoalaridan futbolchilar qaytishdi. Raqibning o'yinlarini ko'rdik, ular ko'proq to'pni nazorat qilishganida mag'lubiyatga uchrashgan. Rejalashtirganlarimiz o'xshamadi. Zaxiralarni amalga oshirdik. Yakunda durang bo'ldi. 

- Yozda tarkibda o'zgarishlar bo'ladimi?

- Bu borada ish olib borilyapti. Tarkibni qarasak, bugun 4 ta yosh futbolchi maydonga tushdi. Jamoani tajribali futbolchilar bilan to'ldirish borasidagi istaklarimizni rahbariyat inobatga olsa, ikkinchi davrada o'zgarish ro'y berishi mumkin.

- Temurxo'ja Abduxoliqovga qiziqish bildirgan ekansiz. U bilan bu borada gaplashdingizmi?

- Bu shunchaki mish-mish. Temurxo'ja bilan gaplashmadim. Hattoki, telefon orqali ham muloqot bo'lmadi.