Vadim Abramov: "Natijadan qoniqish hosil qilmadim"

"Yuta olmadik, shunday bo'lib qoldi. Bitta golning bo'lgan bo'lmaganligini uzoq tortishdik, xuddi cirkka o'xshaydi. Tabiiyki natijadan qoniqish hosil qilmadim. Gol o'tkazib yuborganimizdan keyin shoshdik, qolaversa "Metallurg" bilan 3 marta ketma-ket o'ynaganimiz ularning foydasiga ishladi", - deydi Abramov.

- Markaziy himoyachilaringiz nima uchun bugun maydonga tushmadi?
- Mullajonov "NBU-Osiyo" bilan o'yinda jarohat oldi. Yanichichda ham muammo paydo bo'ldi. Islom uzoq tanaffusdan so'ng bugun maydonga tushdi.

- Endi u ham keyingi o'yinda maydonga tusha olmaydi...
-  Islomga nima uchun qizil kartochka berilganiga ochig'i tushunmadim.

- Ikkinchi davrada jamoa o'yinini yo'qotib qo'ygandek ko'rindi.
- Avstriya yig'inida terma jamoaga chaqirilgan ayrim futbolchilarimizning xizmatidan foydalana olmadik, aslida o'yindan qoniqish hosil qildim. Biz to'g'ri o'ynadik. Agar o'z vaqtida gol urganimizda barchasi boshqacha bo'lardi.