Viktor Karpenko: "Ilk gol sabab birinchi bo'limda to'rtta o'tkazdik"

- O'yin haqida

- Raqibni tabriklayman. Bugun bitta jamoa futbol o'ynashga harakat qildi. Haqli g'alaba. Bugun intensiv bo'la olmadik. Bugun yigitlarim yomon o'ynashdi deya olmayman. Bunday natijadan so'ng uchrashuvga to'liq tayyorlanmadik deya olaman. Ko'rinib qoldiki, o'yinga tayyor holda chiqib kelmadik. 

- Bugun "Buxoro" qanday maqsad qo'ygandi?

- Maqsad futbol o'ynash edi. Qo'rqmasdan futbol o'ynashni istagandik. "Nasaf" futbolchilarining barchasi kuchli. Himoyada ehtiyot bo'lishi kerak edi, raqib juda xavfli. Agressiv harakat qilmoqchi edik, o'xshamadi. Ilk gol sababli birinchi bo'limda to'rtta o'tkazdik. Psixologik tomondan yomon tasir qildi bu gol. Jamoani o'yinga tayyorlash uchun kerakli so'zlarni ayta olmadim desam bo'ladi. Bu murabbiylar shtabining kamchiligi. "Nasaf" o'zi ham futbol o'ynaydi, raqibga ham bu imkonni beradi.

- "Bunyodkor" bilan o'yindagi "Buxoro" bilan bugungisini katta farqi bor...

- Istalgan jamoa raqib qanday imkon bersa shunday o'ynaydi. "Nasaf" bugun bizga imkoniyat qoldirmadi. Birinchi golni o'tkazmaganimizda balki bunday bo'lmasdi. "Bunyodkor" o'ynashga bergandi, "Nasaf" bermadi. 

- "Buxoro"ning o'z maydoniga qaytishi jamoa uchun nimalarni o'zgartiradi?

- O'z uyingda devorlar ham yordam beradi. Biz buni anchadan beri kutardik. Jamoa barcha o'yinni safarda o'tkazsa, bu juda qiyin. Tayyorgarlikni uyda qilib, keyin yana yo'lga otlansangiz, bu qiyinchilik tug'diradi. Futbol muxlislar uchun o'ynaladi. Buxoroda juda ko'p muxlislar bizni qo'llashadi.

- Rahbariyat sizga qanday vazifalarni qo'ygan?

- Har bir uchrashuvda g'alaba qozonish. Kubok finaliga chiqish.