Vadim Abramov: "Liga kubogi yaxshi musobaqa, lekin..."

"Bugun kamroq maydonga tushayotgan futbolchilarga imkoniyat berdik. Menimcha natija adolatli. Birinchi bo'lib gol o'tkazganimizga qaramay yigitlar xarakter ko'rsatishdi va g'alaba qozondi.

Liga Kubogi yaxshi musobaqa. SHunchaki ushbu o'yinlar yozda, Superliga tanaffusiga to'g'ri kelib qolgani noqulaylik tug'dirdi xolos. Musobaqada olti o'zgarish qilish haqida o'ylashgandi. Menga qolsa tanaffusda 3 nafar o'zgarish va qolgan 3 o'zgarishni o'yin paytida amalga oshirilsa yaxshi edi. 

Albatta transferlar oynasi vaqtida o'zgarishlar bo'ladi. Qaysidir o'yinchilar ketadi, qaysidir o'yinchilar keladi. 

Yozgi transfer oynasida yaxshi hujumchi topish qiyin. Ularning shartnomasi bor va bizning moliyaviy imkoniyatimiz bilan bunday o'yinchini qo'lga kiritish qiyin. O'zimiznig yigitlar gol urishmoqda-ku. 

Tanaffusda xorijda yig'in o'tkazish rejamizda bor. Agar bu amalga oshsa yaxshi bo'lardi. CHunki yosh futbolchilar kuchli klublarga qarshi o'yinlarda o'zlarida ko'proq ishonch hosil qilishadi", - deydi Vadim Abramov.