Ulug'bek Baqoev: "So'nggi daqiqalarda gol o'tkazib, mag'lub bo'lish alamli"

- Bugun biz amaldagi chempionga qarshi o'ynadik. So'nggi daqiqalarda gol o'tkazib, mag'lub bo'lish juda alamli. Raqiblarni tabriklayman. Bu futbol. Ular birdamlik va o'yinchilarning mahorati evaziga g'alabaga erishishdi. Keyingi o'yinlarda xatolarni to'g'rilashga harakat qilamiz.

- Jamoaning etakchilariga nimalar etishmayapti? Tanaffusda nimalarni o'zgartirishni istadingiz? Balki, selekciya ishlarida xatolar bordir?
- Menimcha, jamoaga bunday o'yinlarda barchasini o'z qo'liga oladigan futbolchi etishmayapti. "Lokomotiv" esa top futbolchilar bilan o'ynaydi. Ularning tarkibida milliy terma futbolchilari ko'proq. Selekciyada ham yaxshiroq ishlashga harakat qilamiz. Jamoaning kelgusi muvaffaqiyatlari shunga bog'liq.

- "So'g'diyona"ning potenciali nimalarga etadi? Jamoa yozgi transferlar oynasida kuchaytiriladimi?
- Bu hozircha maxfiy malumot. Hozirda biz oldinga harakat qilishimiz kerak. OAVda chiqayotgan xabarlarga esa unchalik etibor bermayapmiz.