U-23 Osiyo Kubogi. Guruhdoshimiz Qatar O'zbekistonga kelishdan oldin yutqazdi
27 may 2022 17:56
Yangiliklar

U-23 Osiyo Kubogi. Guruhdoshimiz Qatar O'zbekistonga kelishdan oldin yutqazdi

U-23 Osiyo Kubogida ishtirok etuvchi Qatar terma jamoasi kecha musobaqadan oldingi so'nggi o'rtoqlik uchrashuvini o'tkazdi.

"Al Janub" stadionida o'tgan Iordaniyaga qarshi ikkinchi bahsda Nikolas Kordova boshchiligidagi qatarliklar 2:3 hisobida mag'lub bo'lishdi. Qatarliklar safida Yussuf Abdulrazzoq va Hoshim Ali gol urishdi. Birinchi taymda Abdulrazzoq penaltidan gol ura olmaganini ham qo'shimcha qilish mumkin.

24 may kuni ushbu jamoalar o'rtasidagi ilk o'rtoqlik uchrashuvida 1:1 hisobi qayd etilgani haqida xabar bergandik. Bundan tashqari Qatarning musobaqa uchun yakuniy tarkibini ham taqdim etgandik.

Eslatib o'tamiz, Qatar olimpiya terma jamoasi O'zbekistonda o'tadigan U-23 Osiyo Kubogida "A" guruhida O'zbekiston, Turkmaniston hamda Eron bilan bir guruhdan joy olgan.

Iordaniya olimpiya termasi esa "B" guruhida Avstraliya, Kuvayt va Iroq bilan to'qnash keladi.

Qatar U-23 - Iordaniya U-23 - 2:3
Gollar: Yussuf Abdulrazzoq 23, Hoshim Ali 56 - Xolid Sayaxin 18, Amin Al SHanaina 25, Omar Xani 27.
Golga aylanmagan penalti: Yussuf Abdulrazzoq 21 (darvozabon).