"Sosedad" darvozaboni: "Bu penalti emas"

Kecha "Sosedad" Ispaniya Kubogi yarim finalida "Real"ga qarshi javob o'yinini o'tkazdi (4:4, birinchi o'yinda 0:1).  

49-daqiqada darvozabon Aleks Remiro to'pga etishga urinar ekan, Jud Bellingemning yuziga qo'li bilan tegib ketdi. Bosh hakam Xaver Alberola Roxas qoida buzilishi yo'q deb hisobladi.  

"Menimcha, bu penalti emas. Men lavhani ko'rdim. Men faqat gol urishiga to'sqinlik qilmoqchi edim va xato qilib unga tegib ketdim. Hakam bizga hammasini tushuntirdi.  

"Real"ning uchinchi golidan oldin, burchak to'pi oldidan, ehtimol Mbappe ofsaydda edi – u Subeldiya yonida [va unga xalaqit berdi].  

Keyin Vinisius bilan birga-bir chiqqanda qutqardim, to'pni ushlab turdim, lekin u qo'limdan to'pni chiqarib yubordi. Men buni hakamga aytdim, lekin u ko'rmaganini aytdi.  

Ko'p narsa sodir bo'ldi. Ikkala tomondan to'rttadan gol urildi. Oldinga qadam tashlashda davom etishimiz kerak", – dedi "Sosedad" darvozaboni El Chiringuito dasturi efirida.