Sobiq hakam Fernandes Vinisiusning "Alaves" jarima maydonchasida yiqilishi haqida: "Yaqqol penalti"

"Madrid" yakshanba kuni La Liganing 16-turi doirasida safarda "Alaves"ni mag'lub etdi (2:1). Ikkinchi bo'lim so'ngida raqib jarima maydonchasi ichida Vinisius yiqilganidan so'ng "Real" foydasiga penalti belgilanmadi. Uchrashuvni Viktor Garsiya Verdura boshqarib bordi.

"Nauel Tenalya Vinisiusning boldiriga tegib ketdi, mening fikrimcha, bu yaqqol penalti edi.

Ammo nima uchun Garsiya Verdura o'n bir metrli jarima zarbasini belgilamadi? Menda ikkita nazariya bor. Birinchisi – hakam kontaktni ko'rmadi va Vinisius yana jarima maydonchasida simulyaciya qildi deb o'yladi. Ikkinchisi – u kontaktni ko'rdi, lekin buni penalti belgilash uchun etarli emas deb hisobladi.

Men bu ikkinchi variant deb hisoblayman va nima uchunligini tushuntiraman. Bunday vaziyatlarda VAR hakami maydondagi hakamdan: "Nimani ko'rding?", deb so'raydi. Agar hakam kontakt bo'lmadi va Vini shunchaki yiqildi deb javob berganida, VARning aralashuvi muqarrar bo'lardi, chunki kontakt yaqqol va aniq bo'lgani sababli referi vaziyatni noto'g'ri baholagan bo'lardi.

Shuning uchun men ko'proq ikkinchi variantga moyilman. Menimcha, Garsiya Verdura VAR xonasidagi hamkasbi Pablo Gonsales Fuertesga kontaktni ko'rganini, ammo uni penalti belgilash uchun etarli emas deb hisoblaganini aytgan. Bunday hollarda, bu maydondagi hakamning vaziyatni qanday talqin qilishi masalasi bo'lgani uchun, VAR odatda aralashmaydi.

Bularning barchasi kecha oqshom eng ko'p berilgan savolga javob bo'ladi: nima uchun VAR aralashmadi? Men aytganimdek: ko'proq futbol va kamroq simulyaciya bo'lishi kerak", – dedi Fernandes.