SHomurodov va Alijonov BAAga qarshi o'yinni o'tkazib yuboradi

Yaqindagina “Jenoa” klubi bilan shartnoma imzolagan Eldor SHomurodov Italiyada mehnat faoliyatiga ruxsat beruvchi viza masalalari sabab Toshkentda qolishga majbur bo'ldi. SHu sababli 25 yoshli hujumchimiz BAA safariga bora olmaydi.

“Paxtakor” himoyachisi Hojiakbar Alijonov avvalgi jarohatlarining asorati sabab Eronga qarshi kechagi uchrashuvda o'zini noqulay his qila boshladi. Murabbiylar shtabi jamoa shifokori bilan maslahatlashib, futbolchini jiddiy jarohat xavfidan asrash, undagi ushbu kichik noqulaylik futbolchining MTJ va “Paxtakor”dagi keyingi faoliyatiga salbiy tasir ko'rsatish ehtimolini hisobga olgan holda, unga tatil berishga va jarohatini to'liq davolab olishga imkoniyat yaratishga qaror qildi.

Eslatib o'tamiz, BAA - O'zbekiston uchrashuvi 12 oktyabr kuni Toshkent vaqti bilan soat 19:40da boshlanadi.

O'zbekiston terma jamoasining BAA bilan o'yin uchun futbolchilar ro'yxati:

Darvozabonlar: Eldorbek Suyunov ("Paxtakor"), Abduvohid Nematov ("Nasaf"), Rahimjon Davronov ("Mashal")

Himoyachilar: Rustamjon Ashurmatov ("Kvandju", Janubiy Koreya), Igor Golban ("Navbahor"), Islomjon Qobilov ("Bunyodkor"), Ibrohimhalil Yuldashev ("Bunyodkor"), Murod Holmuhammedov ("Qo'qon-1912"), Farrux Sayfiev ("Paxtakor").

Yarim himoyachilar: Otabek SHukurov ("SHarja", BAA), Lutfulla To'raev ("Bunyodkor"), Abrorbek Ismoilov ("Paxtakor"), Aziz Turg'unboev ("Navbahor"), Hojimat Erkinov ("Paxtakor"), Ikrom Aliboev ("Seul", Janubiy Koreya), Akmal Mozgovoy ("Nasaf"), Sanjar Qodirqulov ("Bunyodkor"), Jaloliddin Masharipov ("Paxtakor"), Odiljon Hamrobekov ("Paxtakor"), Sardor Sobirxo'jaev ("Paxtakor"), Dostonbek Hamdamov ("Paxtakor"), Azizjon G'aniev ("SHabab Al Ahli", BAA).

Hujumchilar: SHahzod Ubaydullaev ("Metallurg"), Jasur Yaxshiboev ("SHaxtyor Soligorsk", Belarus), Igor Sergeev ("Paxtakor").