SHifokorga nisbatan qo'pollik qilgan Bubanyaning licenziyasi qo'mita yig'ilishiga qadar qaytarib olinadi - O'zPFL

Muxlislar tomonidan maydonga uloqtirilgan jismlardan biri "Metallurg" shifokorining boshiga tegib, uni jarohatladi (VIDEO).

"Bobur Arena"ga tashrif buyurayotgan andijonlik ishqibozlar o'z faolligi va ajoyib harakatlari bilan ajralib turgan bo'lsa-da, ayrim kishilarning mana shunday hatti-harakatlari futbol go'zalligiga putur etkazayotgani achinarli holat. Afsuski, klub va sektorlarda joylashgan faollarning bunday harakatlarga qarshi kurashi samara berayotgani yo'q. Muxlislar harakati Tartib-intizom qo'mitasi tomonidan ko'rib chiqiladi. 

SHuningdek, "Metallurg" shifokori jarohat olgan vaziyatda Andijon futbolchisi Vladimir Bubanya o'zini professional futbolchiga xos tarzda tuta bilmadi. Jamoa etakchisi sifatida u muxlislarni tinchlantirish o'rniga jarohatlangan shifokorga nisbatan qo'pol harakatlarni amalga oshirdi. Liga futbolchining bu kabi harakatiga toqat qilmaydi. Futbolchilar salomatligi uchun masul shaxsga nisbatan hatti-harakati uchun Bubanyaga Liga tomonidan berilgan licenziya vaqtinchalik qaytarib olinadi. Tartib-intizom qo'mitasining qaroridan keyingina mazkur masala tartibga solinadi.