"SHaxsiy faoliyatimdan ham oldin "Nasaf"ga yordam berish haqida o'ylayapman" - SHerzod Nasrullaev

Mazkur uchrashuvga puxta tayyorgarlik ko'rish uchun "ajdarlar" ayni damda Turkiyaning Antaliya shahrida bo'lib turibdi. Mazkur yig'in va "Al SHabab" haqida "Nasaf" futbolchisi SHerzod Nasrullaev to'xtalib o'tdi. 

"Turkiyaga jamoalar yaxshi sharoitlarda shug'ullanish, ko'proq o'rtoqlik uchrashuvlari o'tkazish uchun kelmoqda. Qarshida asosan futzalga moslashgan zalda mashg'ulot olib bordik. SHu tomoni biroz qiyinchilik tug'dirdi. Bor maqsad shu, tamom. Bilasiz o'zimizda ob-havo sabab tabiiy maydonlarda shug'ullana olmaysiz. 

Tayyorgarlik jiddiy olib boryapmiz. Bor etiborimiz "Al SHabab" bilan o'yinga qaratilgan. Imkon qadar tezroq sport formamizni ko'tarib olishimiz kerak.   

SHaxsiy faoliyatimga kelsak, yana o'sishim lozim. Bugungi kunda "Nasaf"ga barcha musobaqalarda g'olib chiqishiga yordam berish haqida o'ylayapman",- deydi SHerzod Nasrullaev.

Abdulaziz Iskandarov yozib oldi