Rubin Xebay – Albaniya terma jamoasi, Evro-2024, CHeran va takliflar haqida

Quvonarli jihati, Dragan CHeranga raqobatchi topildi. Mavsum boshida "Andijon" safiga kelib qo'shilgan albaniyalik Rubin Xebay 12 ta gol bilan CHerandan keyingi o'rinni egalladi. Xebay mavsum yakunlari va keyingi rejalari bilan o'rtoqlashdi. 

"Andijon" bilan yaxshi mavsum o'tkazdim. Jamoa meni ilk kunlardanoq yaxshi qarshi oldi va mavsum davomida qo'llab-quvvatladi. Har bir o'yinda foyda keltirishga harakat qildim. Qo'limdan kelganicha yordam berdim. Yakunda to'purarlar poygasida yanada yaxshiroq natija qayd etishim mumkin edi. CHeran esa mening do'stim. Uning uchun xursandman va omad tilayman. 

Takliflar, keyingi rejalarga to'xtalsam, agentim barchasini ko'rib chiqmoqda. Yakuniy qarorni u bilan birga maslahatlashgan holda qabul qilaman. "Andijon"ga hurmatim baland. Barchasini vaqt ko'rsatadi. 

Andijonlik muxlislar faoliyatimdagi eng yaxshilaridan. Ularning qo'llab-quvvatlashi tufayli shunday natijalarga erishdik. Ishqibozlarga minnatdorchilik bildiraman. 

Albaniya terma jamoasi Evropa chempionatida ortga chekinmaydi. Turli yosh toifasida birga o'ynagan do'stlarim bor. Guruhimizdan kuchli raqiblar bor, lekin ilojsiz narsaning o'zi yo'q. 

Braziliyalik murabbiy Albaniya terma jamoasida yaxshi ishlamoqda. Albaniya o'z guruhida birinchi o'rinni egallagani bunga isbot bo'la oladi. Evropa chempionatida ham o'zlarini ko'rsatishiga ishonchim komil", – dedi Xebay.

Abdulaziz Iskandarov