Ro'ziqul Berdiev: “Jasur Hasanov qo'shimcha yuklamalar olayapti”

-“Dinamo” jamoasini o'rganib chiqqanimizda shu narsaga amin bo'ldikki, bu jamoa himoyada juda tartibli harakat qiladi. Mehmonlarimiz avval beshta himoyachi bilan ham o'ynaganini kuzatganmiz va xatoga yo'l qo'yishmagandi. Bugun ham biz ulardan shunday o'yin kutgan edik, ammo bugun unday bo'lmadi. Tezkor gol kiritganimizdan keyin bizni vazifamiz ancha engillashdi. Bugun yigitlarimiz zavq bilan o'ynashdi, o'ylaymanki bu muxlislarimizga ham manzur bo'ldi.

Jasur Hasanov qanday qilib sakson daqiqa tezkor o'ynayapti? Jasur Hasanov “Qizilqum” jamoasida qanday shug'ullanganidan xabarim yo'q. U bizning safimizga qo'shilganda, jismoniy holati ko'ngildagidek emas edi. Biz unga qo'shimcha mashg'ulotlar va  yuklamalar berdik. Maqsadimiz uning jismoniy holatini yaxshilash edi. CHunki u jismoniy tomondan tiklansa, undan ko'p narsa kutsa bo'lar edi. Foydasi ko'proq bo'lardi. Natijada bunday mashg'ulotlar va yuklamalardan so'ng u biz kutgan darajaga erishdi. U qanchalik biz uchun foydali o'yinchiga aylanganini ko'rib turibsiz.

Mavsumning so'ngi o'yinlarini nega sust o'tkazamiz? Agar fikringiz to'g'ri bo'lsa, bu holatni takrorlamaslikka harakat qilamiz. To'g'ri, mavsum oxirida yuqori o'rinlar uchun kurash keskin tus olayapti. Biz ham oxirigacha kurashamiz.

“Mashal”ga qarshi uchrashuvga qanday tayyorlanamiz? Biz bo'lajak o'yinga bugun o'yindan keyinoq, kiyinish xonasidan boshlab yubordik. To'g'ri, “Mashal” biz bilan doimo qattiq kurashadi va bunga jiddiy tayyorgarlik ko'radi. Bizni doimo ular asosiy raqib sifatida ko'radi. Bilamiz, bizga oson bo'lmaydi. SHuning uchun endi bor etiborimiz shu o'yinga qaratiladi.

Keyingi o'tkazgan uchrashuvlarimizda bizga jiddiy qarshilik qilgan jamoa, bu “Dinamo” bo'ldi. Hisob yirik bo'lgan bo'lsada, ularni mag'lub etishimiz qiyinroq bo'ldi.