Robben ECHLda g'olib chiqish yo'lini aytdi

“Biz ehtiyotkor bo'lishimiz lozim. Ko'pchilik bizni yarim finalga chiqarib qo'ydi, ammo oldimizda chorak finalning javob uchrashuvi turibdi. G'alabaga erishsak, bu haqda gapirsa bo'ladi.

“Sevilya”da kechgan bahsdagi natija bizni qoniqtiradi. Albatta, safarda 2:1 hisobdagi g'alaba har bir jamoa uchun yaxshi natija. Ammo “Sevilya” bundan oldingi bashda safarda “MYU”ga qarshi qanday harakat qilganini unutmaslik lozim.
Futbolchilar aynan bu kabi musobaqalarda g'alaba uchun yashashadi. Kimdir bu kabi bellashuvlarda asabiylashadi, ammo shaxsan men bunday bellashuvlardan zavq olaman.

Hozirgi “Bavariya” bilan 2013 yilgi uchta sovrin yutgan jamoani solishtirib bo'lmaydi. Hozir safimizda ko'pchilik boshqa futbolchilar, oradan besh yil o'tdi, biz qadamba-qadam oldinga intilayapmiz. 

Bizda ayni paytda ajoyib jamoa bor. ECHLda g'olib chiqish uchun yana biroz o'yinimizni kuchaytirishimiz lozim bo'ladi”, deydi Robben.