"Real" Yovichni transferga qo'ydi

Fichajes nashrining malumotlariga ko'ra, "qaymoqranglilar" prezidenti Florentino Peres o'z jamoasida 24 yoshli serb futbolchisini ortiq ko'rishni istamaydi. Manbaning xabar berishicha, Yovich faolitini "Xetafe"da davom ettirishi mumkin.

Ispan klubi madridliklar forvardini ijaraga olish variantini ko'rib chiqmoqda.

Eslatib o'tamiz, 2021/22 yilgi mavsumda Yovich "qaymoqranglilar" tarkibida barcha musobaqalarda 19 uchrashuvda maydonga tushib, bir bor raqib darvozasini ishg'ol qilgan hamda uch marta golli uzatmani amalga oshirgan.

Futbolchining shartnoma muddati 2025 yilga qadar amal qiladi. Uning transfer qiymati 18 million evroga baholangan.