"Real" qishda himoyachi oladimi?

Malumotlarga ko'ra, "Real" mutaxassislari bozorni o'rganganidan so'ng yangi jarohatlar bo'lmasa himoya chizig'iga yangilar kerak emas degan qarorga kelishdi.

Jarohatlarga qaramay, jamoadagilar uch nafar markaziy himoyachi bilan qolishga qaror qilishdi: Antonio Ryudiger, Nacho Fernandes va Orelyan Tchuameni. Tchuameni tayanch yarim himoyachisi bo'lishiga qaramay, Karlo Anchelottiga himoya markazida o'ynashga rozi bo'ldi.

Agar himoyada muammolar yuzaga kelsa "Real" yoshlar jamoasidan futbolchi chaqiradi yoki boshqa poziciyadagilardan foydalanadi. "Real"dagilar Eder Militao va David Alabalar martning oxirigacha safga qaytishiga umid qilishmoqda.