Ravshan Eliboev: "Tojikiston bizni yaxshi o'rgangani sezildi"

"Tojikiston yaxshi o'ynadi. Ularga qarshi 3 ta o'rtoqlik uchrashuvi o'tkazgandik. Bizni yaxshi o'rganishgani sezildi. Pley-offga chiqqanimizdan xursandman. Bizni qo'llab-quvvatlagan muxlislarga o'z minnatdorchiligimni bildiraman.

Ikki uchrashuvda ham g'alaba qozonib, 100 foizlik natija qayd etdik va mazkur g'alabali seriyani davom ettirmoqchimiz. 

Bahraynning Turkmanistonga qarshi bahsini tomosha qildik. Raqib safida jismoniy jihatdan kuchli futzalchilar ko'p ekan. Taktikani murabbiy aniqlaydi, biz esa unga amal qilamiz", – dedi posbon.

Eslatib o'tamiz, O'zbekistonning 3-tur o'yini Bahraynga qarshi kechadi. Mazkur o'yin 1 oktyabr kuni Toshkent vaqti bilan 16:00 da boshlanadi.