Rashid G'ofurov: “Legionerlar xizmatidan foydalanamiz. Pishur kelmoqda”

- Ha, bu yil xorijlik futbolchilarning xizmatidan foydalanishni rejalashtirib turibmiz. Bu borada ayni damda muzokaralar ketmoqda. Muxlislargimizga “Bunyodkor”dagi faoliyati orqali yaxshi tanish bo'lgan hujumchi Oleksandr Pishur nasib qilsa bu yil “Navbahor”da o'ynaydigan bo'lib turibdi. Uning agenti Sefer Aliboev ilgari Namanganda o'ynagani bois jamoamizga befarq emas. SHu bois u kishi bizga yordam tariqasida Pishurni olib kelishimizda ko'maklashmoqda. Nasib qilsa 15 yanvardan yig'inimiz Toshkentga ko'chadi. SHunda ukrainalik futbolchi ham safimizga kelib qo'shiladi.

- Undan tashqari yana xorijdan ikki nafar futbolchini kelishi kutilmoqda. Agentlar bizga tavsiya qilishdi. Ularning birini ko'rganman, Kasyanov. Ular oldin kelishsin, gaplashamiz va maqul kelsa shartnoma imzolaymiz.

 - Albatta legionerlarning kelishi eng avvalo mablag'ga borib taqaladi. Lekin rahbariyat bilan bu borada gaplashganimizda, qo'llab-quvvatlashini bildirgan. SHu bois saviyasi yuqori va yordami tegadigan o'yinchilarni olib kelishni o'ylayapmiz. Agarda ushbu legionerlarni qo'lga kirita olsak, o'ylaymanki kamida o'tgan yilgi natijani takrorlay olamiz.