"Qozog'iston yig'inini bekor qildik, yaponiyalik legioner qaytib ketdi" - Ivan Boshkovich "Neftchi" bilan o'yindan so'ng nimalar dedi?

Ivan Boshkovich mazkur uchrashuvda aralash tarkibdan foydalandi va yig'inda qatnashayotgan barcha futbolchilarga imkoniyat berdi. O'tgan mavsumda o'rinbosarlar jamoasida harakat qilgan bir nechta yoshlarni ham sinovdan o'tkazildi. Uchrashuv yakunlangach Ivan Boshkovichga bir nechta savollar bilan yuzlandik.  

"Neftchi" o'rtoqlik bahsida "Bunyodkor" bilan durang o'ynadi

- Yig'indagi ilk o'rtoqlik o'yinida futbolchilarning dastlabki harakatlaridan qoniqdingizmi?

- Bugungi holatda o'yin darajasi haqida ortiqcha o'ylash shart emas, deb o'ylayman. Futbolchilar asta-sekin formaga kirib olishlari zarur. Bu borada "Neftchi" biz uchun yaxshi raqib vazifasini o'tab berdi. Ikki xil tarkibni sinovdan o'tkazdik. Yosh futbolchilar ko'p. O'zlarini ko'rsatishga harakat qilishmoqda. Xatolar bor. To'g'irlaymiz, ishlaymiz. Biz yo'lga qo'yyayotgan o'yin suratini shakllantirib boramiz. Men uchun asosiy narsa futbolchilarning talablarimni tushuna olishi.  

- Birinchi kungi mashg'ulotlarda yaponiyalik legioner ishtirok etgan edi...

- Jarohat sabab uyiga qaytib ketdi. 

- "Bunyodkor" Qozog'istonda yig'in tashkil qilishi rejalashtirilgandi...

- Qozog'iston yig'inini bekor qildik. Bazi bir sabablarga ko'ra shunday bo'ldi. Bu haqida ko'p gapirishni maqul ko'rmayman. Jamoamiz bilan o'zimizda yig'inni davom ettirishni to'g'ri, deb bildik. Yanvar oyida esa amirliklarga yo'l olamiz. U erda kuchli va nomdor raqiblar bilan o'rtoqlik uchrashuvlari o'tkaziladi. Fevral oyida Antaliyada yig'in olib boramiz. 

- Demak jamoani kuchaytirishi kerak bo'lgan futbolchilar xorij yig'inida jalb qilinadi?

- Umid qilamanki, bir necha nafar legionerlarni ko'rib olish imkoniga ega bo'lamiz. Avval ham aytganman, faqat bir bosh baland legioner olamiz. U chindan jamoamizni kuchaytira olishga qodir bo'lishi kerak.