"Qiyin vaziyatga tushib qolganimda "Milan" meni qo'llab-quvvatlagan. Buni unutmayman va sodiqman" - Leau

"Milan" hujumchisi Rafael Leau jamoadagi kelajagi haqida o'z fikrini aytdi.

"Mening kelajagim "Milan"da. SHartnomam bor. Juda qiyin vaziyatga tushib qolganimda "Milan" menga yordam bergan va qo'llab-quvvatlagan. Buni unutmayman va sodiqman. Bu erga bolaligimda kelganman, shaxs va futbolchi sifatida o'sganman. Yana g'alaba qozonishni xohlayman", – dedi Leau.

U jamoa bilan muhim sovrinlarni qo'lga kiritish va o'z nomini "Milan" tarixida qoldirish niyatida ekanini takidladi.

Leau joriy mavsum barcha musobaqalarda 33 ta uchrashuvda maydonga tushib, 9 ta gol va 8 ta golli uzatmaga mualliflik qildi.