PRO murabbiylik kursida tahsil olayotgan mutaxassis Superliga klubi bosh murabbiyi bo'lib ishlashiga ruxsat beriladi

Uchrashuvda Superliga klubi bosh murabbiyi sifatida faoliyat olib boradigan mutaxassislar masalasi ham muhokama qilindi. Sir emaski, bu lavozim uchun Pro licenziyasi talab etiladi. Ayni vaqtda mazkur licenziyaga ega mahalliy mutaxassislar sanoqli hisoblanadi.

O'tgan yilning sentyabr oyida Toshkentda biroz tanaffusdan so'ng Pro licenziyasi uchun navbatdagi o'quv kursi start oldi. Unda 21 nafar mutaxassis tahsil olayotgan bo'lib, shundan 17 nafari mahalliy murabbiylar hisobalanadi. Bu o'z-o'zidan joriy mavsum so'ngida Pro licenziyasiga ega O'zbekistonlik mutaxassislar soni yana bir necha nafarga ko'proq bo'lishini anglatadi.

Yanvar oyidan etiboran professional futbol klubi maqomini olish uchun davogar klublar OFK licenziyalashidan o'tishni boshladi. Bunda ular OFK platformasiga Pro licenziyasiga ega shaxsni bosh murabbiy sifatida yuklashi lozim. Kechagi uchrashuvda OFK talabi muhokama qilindi va 2025 yilda Pro kursiga tahsil olayotgan mutaxassislarga Superliga yoki Proliga klubi bosh murabbiyi sifatida Liga ro'yxatidan o'tishga ruxsat berildi. Bu o'z navbatida futbol klublarida tanlov imkoniyatini oshiradi.