PRO-Liga, “A” guruhi 2-tur. Eng tezkor gol va boshqalar haqida

* Turning 4ta o'yinida jami 11ta gol qayd etildi. Qizig'i, o'tgan turda ham 11ta gol qayd etilgandi.
* SHundan 6tasi mezbon jamoalar hisobiga yozilgan bo'lsa, qolgan 5ta golni mehmonlar kiritdi.
* Safarda eng ko'p gol urgan jamoa – “Andijon”. “Istiqlol”ga qarshi kechgan bahsda andijonliklar raqibini ayab o'tirmadi va javobsiz 4ta to'p kiritishga muvaffaq bo'ldi.  SHuningdek “burgutlar” ushbu turda ham o'z darvozalari dahlsizligini saqlab qolganini aytish lozim.
* O'z maydonida raqib darvozasiga eng ko'p to'p kiritgan jamoa “Xorazm” bo'ldi. Urganchliklar Nukusning “Orol” jamoasi darvozasiga 4ta to'p kiritib, 1ta gol o'tkazib yubordi.  
* Turning eng tezkor goli “Xorazm” – “Orol” o'yinida qayd etildi. Uchrashuvning 4-daqiqasidayoq urganchlik Timur Bekchanov yaratilgan vaziyatni gol bilan yakunlashga muvaffaq bo'ldi. Ahamiyatlisi, Bekchanov birinchi bo'lim so'nggilarida o'z o'rnini Qadamboy Nurmetovga bo'shatib berdi. Zahiradan maydonga tushgan futbolchi ham o'z aktiviga 2ta gol yozdirib qo'yishga erishdi.
* Turning eng so'nggi goli deya “Andijon” futbolchisi Obid Hakimovning “Istiqlol” darvozasiga 90+3-daqiqada kiritgan to'pini aytish mumkin.
* O'yinlarning birinchi taymida 6ta gol qayd etildi.
* Ikkinchi bo'limda esa darvozalarga yana 5ta to'p kiritildi.
* PRO-Liganing 2-turida “Andijon” hujumchisi Davron Isoqov bilan “Xorazm” hujumchisi Qadamboy Nurmetov dubl qayd etdi. Etiborlisi, Isoqov o'tgan turda ham bitta to'p kiritgandi. Hozirda Davron 3ta goli bilan to'purarlar ro'yxatini boshqarib turibdi.
* Ushbu turda penalti va avtogol qayd etilmagan.  

PRO-Liga, “A” guruhi. 2-turda gol urgan futbolchilar
1. Davron Isoqov (“Andijon”) – 2ta.
2. Sunnatilla Mamadaliev (“Andijon”) – 1ta.
3. Obid Hakimov (“Andijon”) – 1ta.
4. Vohid SHodiev (“Mashal”) – 1ta.
5. Nikita Pavlenko (“Mashal”) – 1ta.
6. Timur Bekchanov (“Xorazm”) – 1ta.
7. Qadamboy Nurmetov (“Xorazm”) – 2ta.
8. Timur Ismoilov (“Xorazm”) – 1ta.

9. Navro'z Alimov ("Orol") - 1ta.

Islombek Rustambekov