Prevyu. "So'g'diyona" "Olimpik"ni umuman yuta olmagan
15 mar 11:43
Yangiliklar

Prevyu. "So'g'diyona" "Olimpik"ni umuman yuta olmagan

Bugun Jizzaxda Superliganing 3-turidan o'rin olgan "So'g'diyona" - "Olimpik" uchrashuvi bo'lib o'tadi.

Bu jamoalar Superligada hozirga qadar 4 marta to'qnash kelishgan. 3 ta o'yinda g'olibni aniqlashning imkoni bo'lmagan. "Olimpik" bir marta zafar quchgan. Tushunib turganingizdek "So'g'diyona" bu raqibni yuta olmagan. O'zaro o'yinlarda "Olimpik" 7 ta gol urgan va 6 ta gol o'tkazgan.

O'zaro barcha o'yinlar:
06.08.2023 "Olimpik" – "So'g'diyona" 3:3
10.03.2023 "So'g'diyona" – "Olimpik" 2:2
29.08.2022 "Olimpik" – "So'g'diyona" 1:0
02.04.2022 "So'g'diyona" – "Olimpik" 1:1

"So'g'diyona" mavsumni o'z uyida "Neftchi"dan qabul qilingan mag'lubiyat bilan boshladi - 1:2. So'ngra safarda "Metallurg" bilan durang o'ynadi - 0:0. "Olimpik" esa dastlab Qarshida "Nasaf"ga (0:2), so'ngra o'z uyida "Lokomotiv"ga yutqazdi (0:1).

"So'g'diyona" — "Olimpik"
15 mart 2024 yil. Jizzax, "So'g'diyona" stadioni. 19:00
Bosh hakam: Firdavs Norsafarov
Qanot hakamlari: Sardor Hakimov, Kristina Sereda
Zaxira hakami: Naim Qosimov
VAR hakami: Aziz Asimov
AVAR hakami: Ravshan Abduvohidov
Nazoratchi: Konstantin Smirnov
Komissar: Diyor Xotamqulov.

O'zFHM bu o'yinga Firdavs Norsafarovni bosh hakam etib tayinladi. 2023 yilda bu hakam "So'g'diyona"ning bitta o'yinida ishlagan. O'sha o'yinda Jizzax klubi o'z uyida "Neftchi"ga mag'lub bo'lgandi - 0:2. Norsafarov o'tgan yil "Olimpik"ning safardagi bitta uchrashuvini boshqargan. "Surxon"ga qarshi kechgan bahsda Kapadze shogirdlari mag'lub bo'lishgan - 0:1.