Prevyu. "So'g'diyona" - "Navbahor"

So'g'diyona (Jizzax) – Navbahor (Namangan)
22 avgust 2015. Jizzax. "Jizzax" stadioni. 18:00
Hakamlar: V. Ceytlin (Toshkent), B. Qodirov (Buxoro), A. Kuldashev (Buxoro), R. Lutfulin (Toshkent)
Nazoratchi: A. Xotamov (Toshkent).
O'zPFL vakili: A. Inoyatov.

“So'g'diyona” hamda “Navbahor” klublari oliy ligada shu kungacha 39 bor kuch sinashishgan. 21ta o'yinda “Navbahor”, 13ta o'yinda esa “So'g'diyona” g'alaba qozongan. 5ta o'yinda durang natija qayd etilgan. “Navbahor” o'zaro o'yinlarda 73 bor raqib darvozasiga yo'l topa olgan. “So'g'diyona” esa 46 bor gol kirita olgan. “Navbahor” o'zaro o'yinlarda 68 ochkoni qo'lga kiritgan bo'lsa, jizzaxliklar hisobida 43 ochko mavjud. “So'g'diyona”ning “Navbahor” ustidan qozongan eng yirik g'alabasi – 3:1. Namanganliklarning eng yirik g'alabasi esa 7:0.

Birinchi davrada vodiyda tashkil etilgan o'yinda maydon egalari vakili Otabek Valijonovning urgan goli “lochinlar”ga g'alaba keltirgandi. O'sha bahsda “So'g'diyona” safida Muzaffar Muzaffarov qizil kartochka olgandi.

“So'g'diyona” maydonida o'tgan so'nggi besh uchrashuv:
12.09.2014 So'g'diyona - Navbahor 5:4
17.03.2013 So'g'diyona - Navbahor 2:0
28.05.2011 So'g'diyona - Navbahor 3:2
08.05.2009 So'g'diyona - Navbahor 1:0
26.04.2008 So'g'diyona - Navbahor 2:1

O'zaro o'yinlar haqida fakt: “So'g'diyona” bungi kunga qadar o'z maydonida 13 bor g'alaba qozongan. Bir marta durang qayd etilgan. Qolgan 5ta o'yinda “lochinlar” zafar quchishgan. Oxirgi besh o'yinda “lochinlar” besh marta mag'lub bo'lishgan.