Prevyu. "So'g'diyona" - "Dinamo"

So'g'diyona (Jizzax) – Dinamo (Samarqand)
1 oktyabr 2015. Jizzax. "Jizzax" stadioni. 17:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), E. Tursunov (Buxoro)
Nazoratchi: A. Arutyunov (Toshkent).
O'zPFL vakili: A. Frolov.

Bu ikki jamoaning yo'llari oliy ligada 35 bor kesishgan. Ustunlik “Dinamo” tomonida. O'yinlarning 16tasida samarqandliklarning qo'li baland kelgan. 13ta uchrashuvda esa “So'g'diyona” g'olib chiqqan. Qolgan olti uchrashuvda durang hisobi qayd etilgan. To'plar nisbati “Dinamo” foydasiga. “Arslonlar” shu kunga qadar o'zaro o'yinlarda 54ta gol urib o'z darvozalaridan 37 marta to'p o'tkazib yuborishgan. O'zaro o'inlarda “Dinamo” 54 ochkoni, “So'g'diyona” esa 45 ochkoni qo'lga kiritgan.

“Dinamo” oliy ligada “So'g'diyona” ustidan 4:0 hisobida g'alaba qozongan. Bu o'zaro o'yinlardagi Samarqand klubining eng yirik g'alabasi hisoblanadi. Jizzax klubining o'zaro o'yinlardagi bu raqib ustidan erishgan eng yirik g'alabasi esa 3:1 bo'lib turibdi.

Birinchi davrada Samarqandda o'tgan uchrashuvda "Dinamo" yarim himoyachisi Aziz Ibragimov ikkita gol urib jamoaga g'alaba keltirgan edi - 2:0.

So'g'diyona maydonida o'tgan so'nggi besh uchrashuv:
29.03.2014 So'g'diyona – Dinamo 1:3
26.05.2013 So'g'diyona – Dinamo 4:3
05.03.2011 So'g'diyona – Dinamo 0:0
14.06.2009 So'g'diyona – Dinamo 3:1
18.11.2008 So'g'diyona – Dinamo 1:1

O'zaro o'yinlar haqida fakt: “So'g'diyona” o'z uyida bu raqibni 9 marta mag'lub etgan. “Dinamo” safardan 3 bor g'alaba bilan qaytgan. Beshta uchrashuvda natijasi bilan tugagan. Oxirgi ikki bahsda mezbonlar "Dinamo" 3tadan gol urgan.