Ivan Boshkovich: "Birinchi bo'limda futboldagi barcha jabha bo'yicha raqibdan ustun keldik"

- G'alaba qozongandan keyin murabbiy sifatida natijadan mamnunman. Birinchi bo'limda futboldagi barcha jabha bo'yicha raqibdan ustun keldik. Juda-juda tartibli o'ynadik va barchasi o'z qo'limizda bo'ldi. OKMK ikkinchi bo'limda oldinga o'tishini kutgandim. Ko'plab futbolchilari hujumda o'ynadi. Bu esa bizga raqibni qarshi hujumda ushlash imkoniyatini yaratib berdi va jazoladik ham. 

Oldinlari bunday o'yinlarda ham mag'lub bo'layotgandik. Bundan jamoa va men katta saboq oldik. Tarkibdagi futbolchilarning sifati, jamoadagi raqobat kabi omillar shunday o'yinlarni osonroq o'tkazishimizga turtki bermoqda. Futbolchilar va muxlislarni tabriklayman. Bugun biz tomondan jangovar o'yin namoyish qilindi. Jamoa va klub o'sishda davom etmoqda. Bu hali boshlanishi. Birinchi davradayoq shunday o'yinlarda yirik hisoblarda yutishni kutib yurgandik. Bu bizning standartimiz bo'lishi kerak. Bugun faqatgina g'alaba qozonganimiz yo'q, jamoam jangovar o'yin ko'rsatdi. Endi navbatdagi raqiblarni ham mag'lub qilib, turnir jadvalida ko'tarilish kerak. Biz sifatimizga yarasha joyimizda bo'lishimiz kerak.