Prevyu. "Neftchi" - "Qo'qon-1912"

Neftchi (Farg'ona) – Qo'qon-1912 (Qo'qon)
30 oktyabr 2015. Farg'ona. "Istiqlol" stadioni. 16:00
Hakamlar: Z. Qodirov (Navoiy), B. Qodirov (Buxoro), A. Qo'ldoshev (Buxoro), A. Ergashev (Toshkent)
Nazoratchi: D. Roman (Toshkent).
 
“Neftchi” va “Qo'qon-1912” oliy ligada 19 bora to'qnash kelishgan. Natijalar “Neftchi”ning kattagina ustunligini ko'rsatmoqda. “Neftchi” 17ta o'yinda g'olib bo'lgan, 2 marta durang qayd etilgan. “Qo'qon-1912” bu raqibni umuman mag'lub eta olmagan. To'plar nisbatida katta ustunlik “Neftchi” tomonida - 62:22. O'zaro o'yinlarda “Neftchi” 53 ochkoga ega bo'lgan bo'lsa, “Qo'qon-1912” 2 ochkoni qo'lga kiritgan.

“Neftchi”ning o'zaro o'yinlarda qozongan eng yirik g'alabasi – 6:1ga teng. Qo'qonliklar hisobida g'alaba yo'qligini aytib o'tdik.

Birinchi davrada Qo'qondagi uchrashuvda “Neftchi” zafar quchgan. Dastlab maydon egalari vakili Nodir Qo'ziboev hisobni ochgandi. Birinchi bo'limda SHukurali Po'latov tomonidan urilgan gol hisobni tenglashishiga xizmat qilgan. Akmal Xolmatovning kiritgan to'pi “Neftchi”ga irodali g'alabani keltirgandi – 2:1.

Farg'onada bo'lib o'tgan so'nggi besh uchrashuv:
08.09.2003 Neftchi - Qo'qon-1912  6:2
29.06.2002 Neftchi - Qo'qon-1912  6:3
29.10.2000 Neftchi - Qo'qon-1912  4:0
06.04.1999 Neftchi - Qo'qon-1912  5:1
04.04.1998 Neftchi - Qo'qon-1912  4:2

O'zaro o'yinlar haqida fakt: “Neftchi” o'z maydonida bo'lib o'tgan 9ta o'yinning barchasida g'alabaga erishgan! Farg'onada o'tgan oxirgi ikki uchrashuvda “Neftchi” raqib darvozasiga 6tadan gol urgan.