Prevyu. "Neftchi" - "Andijon"

Neftchi (Farg'ona) – Andijon (Andijon)
21 oktyabr 2015. Farg'ona. “Istiqlol” stadioni. 17:00
Hakamlar: V. Serazetdinov (Toshkent), A. Snetkov (Toshkent.vil), A. Usmonov (Toshkent), A. Najafaliev (Toshkent)
Nazoratchi: A. Abdullaev (Toshkent).

“Neftchi” va “Andijon” oliy ligada 43 bor kuch sinashishgan. Katta ustunlik “Neftchi” tomonida. 32ta o'yinda “Neftchi” raqibni mag'lub etgan. Olti o'yinda “burgutlar”ning qo'li baland kelgan. Yana besh uchrashuvda durang natija qayd etilgan. “Neftchi” o'zaro o'yinlarda 90 bor raqib darvozasiga yo'l topa olgan. “Andijon” esa 36 marta gol ura olgan. “Neftchi” o'zaro o'yinlarda 101 ochkoni qo'lga kiritgan bo'lsa, andijonliklar hisobida 23 ochko mavjud. “Neftchi”ning “Andijon” ustidan qozongan eng yirik g'alabasi – 7:1. “Burgutlar”ning eng yirik g'alabasi esa - 2:0.

Dastlabki davrada Andijonda o'tgan uchrashuvda mehmonlar yirik g'alabani tantana qilishgan. Sardor Rahmonov, SHerzod Hakimov, Akmal Xolmatov va Murod Bobojonov tomonidan urilgan gollar "Neftchi"ga g'alaba keltirgan - 0:4.

Farg'onada o'tgan so'nggi besh uchrashuv:
07.11.2014 Neftchi - Andijon 1:0
27.09.2012 Neftchi - Andijon 2:0
29.05.2011 Neftchi - Andijon 3:0
01.08.2010 Neftchi - Andijon 1:1
10.05.2009 Neftchi - Andijon 2:0

O'zaro o'yinlar haqida fakt:  “Neftchi” o'z maydonida "Andijon"ni 20 marta mag'lub etgan. “Andijon” Farg'onada umuman g'alabaga erisha olmagan. Faqat bir marta (2010 yil) "burgutlar" safardan durang bilan qaytishgan. So'nggi uch o'yinda "Andijon" "Neftchi" maydonida umuman gol ura olmagan.