Prevyu. "Nasaf" - "Paxtakor"

Nasaf (Qarshi) – Paxtakor (Toshkent)
4 noyabr 2015. Qarshi. "Markaziy" stadioni. 14:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), I. Garmashov (Toshkent)
Nazoratchi: B. Galeev (Urganch).

“Nasaf” hamda “Paxtakor” oliy ligada 37 bora to'qnash kelishgan. SHulardan 21tasida “sherlar” g'olib bo'lishgan, 9ta o'yinda g'olib aniqlanmagan. “Nasaf” hozirga qadar “Paxtakor”ni 7 marta mag'lub etgan. To'plar nisbati “Paxtakor” foydasiga 54:28 ni tashkil qilmoqda. O'zaro o'inlarda “Paxtakor” 72 ochkoni, “Nasaf” esa 30 ochkoni qo'lga kiritgan.

“Paxtakor”ning “Nasaf” ustidan qozongan yirik g'alabasi – 4:0ga teng. “Ajdarlar”ning ushbu raqib ustidan qozongan eng yirik g'alabasi ham 4:0 bo'lib turibdi.

Birinchi davrada Toshkentda o'tgan bahsda Adnan Oraxovac va Igor Sergeev (ikkita) tomonidan urilgan gollar “sherlar”ga g'alaba keltirgan. Ilhom SHomurodovning javob goli faqat hisobni qisqartirgan xolos – 3:1.

Qarshida bo'lib o'tgan so'nggi besh uchrashuv:
01.06.2014 Nasaf - Paxtakor 1:1
20.09.2013 Nasaf - Paxtakor 1:1
19.10.2012 Nasaf - Paxtakor 0:2
09.11.2011 Nasaf - Paxtakor 1:1
05.06.2010 Nasaf - Paxtakor 1:1

O'zaro o'yinlar haqida fakt: Qarshida bu jamoalar o'rtasidagi o'yinlarning 6tasida “Nasaf” zafar quchgan. Ettita uchrashuvda durang qayd etilgan. “Paxtakor” ushbu raqib maydonidagi uchrashuvlarda 5 marta g'alabaga erishgan. “Nasaf” o'z maydonidagi oxirgi 8ta o'yinda "sherlar"ni mag'lub eta olmagan.