So’nggi yangiliklar

21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  0 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  2 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  1 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  2 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  2 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  12 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4 14:57"Ал Иттиҳод" Педро учун 35 миллион евро таклиф қилди  6

Prevyu. "Metallurg" – "Bunyodkor" Yangiliklar

Prevyu. "Metallurg" – "Bunyodkor"

Mamlakat milliy chempionatining 26-turida Bekobodning "Metallurg" klubi o'z maydonida Toshkentning "Bunyodkor" klubini qabul qiladi.

Mamlakat milliy chempionatining 26-turida Bekobodning "Metallurg" klubi o'z maydonida Toshkentning "Bunyodkor" klubini qabul qiladi.Mazkur jamoalar shu kunga qadar o'zaro 24 marotaba kuch sinashishgan. Natijalar yurtimizning nomdor klublaridan sanaluvchi “Bunyodkor” foydasiga. Toshkentliklar 18 ta o'yinda g'alaba qozonishgan. Ikkita o'yinda “Metallurg”ning qo'li baland kelgan. 4 ta chrashuvda esa kuchlar teng kelgan. To'plar nisbati: 50-21.

Jamoalarning o'zaro uchrashuvlardagi eng yirik hisob 2009 yili Bekoboddagi o'yinda kuzatilgandi. O'shanda bunyodkorchilar mezbonlar darvozasiga javobsiz to'rtta to'p yo'llashgandi. Eng sermahsul uchrashuv esa undan bir yil muqaddam Toshkentdagi uchrashuvda qayd etilgan. Qaldirg'ochlarning to'rtta goliga bekobodliklar ikkita aniq zarbasi bilan javob qaytarishgan.

Bu yilgi chempionatning birinchi davrasida Toshkentda kechgan o'yinda 3:1 hisobida mezbonlar zafar quchishgandi. Barcha gollar ikkinchi taymda kiritilgan. SHahzod Nurmatov (56), Sardor Sobirxo'jaev (67) hamda Javlon Ibrohimov (85) larning gollariga SHahzod SHaymanov 82-daqiqada penaltidan bitta gol bilan javob qaytargandi.



Bekobodda o'tgan barcha uchrashuvlar:

19.07.2018 «Metallurg» - «Bunyodkor» 1:1
14.10.2017 «Metallurg» - «Bunyodkor» 1:1
16.06.2016 «Metallurg» - «Bunyodkor» 1:1
26.04.2015 «Metallurg» - «Bunyodkor» 1:2
01.10.2014 «Metallurg» - «Bunyodkor» 1:2
17.08.2013 «Metallurg» - «Bunyodkor» 2:3
27.09.2012 «Metallurg» - «Bunyodkor» 1:3
23.10.2011 «Metallurg» - «Bunyodkor» 2:1
19.03.2010 «Metallurg» - «Bunyodkor» 0:1
25.06.2009 «Metallurg» - «Bunyodkor» 0:4
17.08.2008 «Metallurg» - «Bunyodkor» 1:2
01.04.2007 «Metallurg» - «Bunyodkor» 0:1

Bekoboddagi o'zaro o'yinlar haqida fakt : “Metallurg” o'z maydonida faqat bir bor “Bunyodkor”dan ustun kelgan. Bekobodda o'tgan so'nggi uch uchrashuvda jamoalar bir xil hisobdagi durangga imzo chekishdi.



Tanishing – “Bunyodkor”

Toshkentning “Bunyodkor” futbol klubi mamlakatimizning eng yosh jamoalaridan biri sanaladi. Klubga asos solinganiga endigina 14 yil bo'ldi. Ammo qisqa fursat ichida jamoa birinchi ligadan oliy ligaga yo'l oldi va kuchlilar safida ham doimiy ravishda etakchilar qatoridan o'rin egallab kelayapti. 2007 yildan elita safida “qaldirg'ochlar” besh marta O'zbekiston chempioni, ikki marta vice-chempion, bir marta bronza medali sovrindori, to'rt marta O'zbekiston kubogi sohibi va besh karra finalchisi, O'zbekiston Superkubogi sohibi bo'ldi. 2008 yildan Osiyo chempionlari ligasida yurtimiz sharafini himoya etib kelayotgan “Bunyodkor” jamoasi ikki marta qitaning mazkur nufuzli turnirida yarim finalgacha etib bordi (2008, 2012 yillar). Oliy ligadagi eng past ko'rsatkichi to'rtinchi o'rin bo'lgan (2014-2015, 2017 yillar).

“Bunyodkor”ning uy stadioni mamlakatimizning eng muhtasham futbol majmuasi “sanalardi”. 2012 yilning 28 sentyabr sanasida qurib, foydalanishga topshirilgan,  “Bunyodkor” va O'zbekiston milliy terma jamoasi uy stadioni hisoblanuvchi maskan o'z bag'riga 34000 tomoshabinni sig'diradi. Ammo yaqindan “Bunyodkor” stadioni O'FA balansiga o'tkazildi va endilikda u “Milliy” stadion deb atala boshlandi.

“Bunyodkor” bugungacha oliy liga bahslarida 335 ta uchrashuv o'tkazgan. SHulardan 229 tasida g'alaba qozongan, 64 tasida durang o'ynagan, 42 tasida mag'lubiyatga uchragan. Kiritilgan va o'tkazib yuborilgan to'plar farqi – 641:204. Jamoaning oliy ligadagi eng yirik g'isobli g'alabasi – 7:0 (“SHo'rtan”, 2008 yil), eng yirik mag'lubiyati – 0:3 (“Lokomotiv”, 2015 yil).

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика