Prevyu: "Bunyodkor" - "Paxtakor"

Toshkent derbisi hamisha keskin kurashlar ostida o'tib kelgan. CHempionlar ligasi yo'llanmasi uchun kurashayotgan "Bunyodkor" ko'proq ochkolar jamg'arishga harakat qilishi tabiiy. O'z navbatida jamoamiz chempionlik sari yaqinlashmoqda va har bir o'yinning ahamiyati ortib boryapti.

Jamoalar oliy ligada 17 marta to'qnash kelgan. "Bunyodkor" 5 o'yinda g'alaba qozongan. "SHerlar" hisobida 4 muvaffaqiyat bo'lsa, 8 bellashuv durang bilan tugagan. Jamoamiz o'zaro bahslarda 16, raqib 18 bor to'p kiritgan.

"Bunyodkor" maydonidagi uchrashuvlarda mezbonlar 4, jamoamiz 2 bor zafar quchgan. Oxirgi ikki bellashuvda "Paxtakor" safarda g'alaba qozongan. Birinchi davrada o'tgan bellashuvda Igor Sergeevning yagona goli yutuq keltirgandi.

Yoshlar tarkiblari uchrashuvi 20 oktyabr, seshanba kuni "Bunyodkor" akademiyasi stadionida soat 16:00da boshlansa, asosiy jamoalar o'yini 21 oktyabr, chorshanba kuni "Bunyodkor" stadionida soat 17:00da start oladi.

Bellashuvni SHerzod Qosimov boshchiligidagi hakamlar guruhi boshqaradi. U bu mavsumda "Andijon" bilan mehmonda va "Qo'qon-1912" bilan uydagi o'yinlarni boshqarib borgan va har ikki bahsda jamoamiz muvaffaqiyatga erishgan.

"BUNYODKOR" - "PAXTAKOR"

Hakamlar: SHerzod Qosimov (Toshkent), Andrey Capenko (Toshkent viloyati), Ruslan Serazetdinov (Toshkent), Komil Rasulov (Qarshi).

Nazoratchi: Dmitriy Roman (Toshkent).