Pires Ronaldu haqida: "Uni haqorat qilishardi"

"Arsenal" sobiq yarim himoyachisi Robert Pires sobiq "Manchester Yunayted" o'yinchisi, hozirda esa  "Yuventus" sharafni himoya qilayotgan Krishtianu Ronalduga qarshi o'yindagi xotiralari bilan o'rtoqlashdi.

"Men uning o'yinini ilk bor ko'rganimda bu yigit juda tezkor deb o'ylaganman. U tezlashganida, uni to'xtatib qolish osonmasdi. Bu kabi o'yin bilan ajoyib taassurot qoldirardi.

O'shanda Ronaldu hozirgi darajasiga erisha oladimi, deb so'rash qiyin edi, lekin u tezda sovrinlarni qo'lga kiritadigan mashinaga aylandi. U "Manchester Yunayted"da ham, "Real"da ham, Portugaliya terma jamoasida ham obro' qozondi va sovrinlarga ega chiqdi.

"Manchester Yunayted" va "Arsenal" o'rtasidagi o'yinlar har doim qaynoq ruhda o'tardi. Krishtianu juda ko'p fint ishlatardi va buni inglizlar uncha yoqtirmagan. Ular Krishni haqoratlashardi. Siz angliyaliklarga qarshi bunday o'ynay olmaysiz, ayniqsa "Arsenal"ning uy stadionida.

Avvaliga uni qabul qilish qiyin kechdi. Angliyadagi futbol boshqa davlatlardan farq qiladi. Ammo Ronaldu bu muhitga tezda o'rganib ketdi va oxir-oqibat Premer-liganing eng yaxshi futbolchilaridan biriga aylandi.

Ronalduga kelsak, aytadigan asosiy jihat bu uning gollaridir. U gollarini mukammal darajada kiritadi. Uning maqsadi gol urish va sovrin yutish. Krishtianu mashina", — deya takidladi Pires.