Pike endi Instagramni "yondirmoqda"

Kataloniyalik himoyachi bu safar "Qirollik klubi" sobiq darvozaboni Iker Kasilyasning "Instagram"dagi suratiga "hujum" qildi.

Kasilyas 13 maydan 14 mayga o'tar kechasi ijtimoiy tarmoqqa pastdagi suratni yukladi va unga "#xayrlitundunyo" xeshtegini qo'shib qo'ydi.

Bir soat o'tar-o'tmas ushbu rasm ostida Pikening izohi (komment) paydo bo'ldi: "Ushbu stadionda mag'lub bo'lish uchun to'pni necha marotaba darvoza to'ridan olib chiqqansiz?" (uchta kuluvchi smaylik).

Bir necha daqiqadan so'ng "Barselona" sobiq himoyachisi Karles Puyol ham hazil izoh qoldirdi: "Bir o'zing o'ynayapsanmi?"