"PFLMANAGER.UZ"da dedlayn: Mirjalol Qosimov va Ro'ziqul Berdiev 6-turda kimlarni olishni maslahat berishdi
11 apr 2018 10:40
Yangiliklar

"PFLMANAGER.UZ"da dedlayn: Mirjalol Qosimov va Ro'ziqul Berdiev 6-turda kimlarni olishni maslahat berishdi

Superliganing 6-tur o'yinlariga bugun start beriladi.

O'zbekiston Superligasi asosida yaratilgan virtual futbol sayti "PFLMANAGER.UZ" saytida dastlabki sovrinli liga ishga tushganidan xabaringiz bor.

"PFLMANAGER.UZ" saytida "Navro'z" sovrinli ligasi Superliganing 3-turidan start olgandi. Uchta qimmatbaho zamonaviy Xiaomi smartfonlari hamda esdalik futbolkalari qo'yilgan ushbu liga uchun Superliganing 6-turi hal qiluvchi bo'ladi.

"PFLMANAGER.UZ"da 6-tur uchun dedlayn 11 aprel kuni Toshkent vaqti bilan soat 17:00da tugaydi. SHu vaqtga qadar navbatdagi 6-tur uchun jamoangizni tuzing yoki tarkibda kerakli o'zgarishlarni amalga oshirishga ulguring.

"PFLMANAGER.UZ" ishtirokchilari uchun navbatdagi tur oldidan Superliga mutaxassislari o'z tavsiyalarini berishdi.

Xususan Superliga peshqadami "Bunyodkor" jamoasi bosh murabbiyi Mirjalol Qosimov "qaldirg'ochlar" tarkibidan "Metallurg"ga qarshi o'yinda sobiq "metallurgchilar"ni, yani Murod Toshmatov va SHahzod Nurmatovni jamoaga olishni maslahat berdi. Qosimovning fikricha, Toshmatov va Nurmatov sobiq jamoasiga qarshi o'zgacha ishtiyoq bilan to'p tepadi.

"Nasaf" ustozi Ro'ziqul Berdiev esa "Lokomotiv" bilan o'yinda "ajdarlar"dan Sanjar Quvvatov, Aziz G'aniev hamda Bobir Abdixoliqovni tarkibga qo'yishni tavsiya qildi. Berdievning fikricha, aynan shu futbolchilar "Loko"ga qarshi o'yinda ko'proq foydali ishlarni amalga oshirishlari mumkin.

"PFLMANAGER.UZ"da eng ko'p foyda keltirayotgan futbolchilar ro'yxati TOP-20