O'zbekiston – Qirg'iziston uchrashuvi chiptalari sotuvga chiqarildi
29 okt 2019 00:40
Yangiliklar

O'zbekiston – Qirg'iziston uchrashuvi chiptalari sotuvga chiqarildi

Xabaringiz bor, joriy yilning noyabr oyida Toshkentda O'zbekiston milliy terma jamoasi JCH-2022 saralashi doirasida Saudiya Arabistoni hamda Falastin termalariga qarshi maydonga tushadi.

Muhim bahslarga tayyorgarlik doirasida Vadim Abramov boshchiligidagi milliy jamoamiz Qirg'iziston terma jamoasiga qarshi o'rtoqlik uchrashuvi o'tkazadi. Uchrashuv 9 noyabr kuni Toshkentdagi “Paxtakor” stadionida bo'lib o'tadi va soat 17:00da boshlanadi.

Bilasiz, chiptalar oldi-sotdisi jarayonini tartibga solish, chiptalarning olib-sotarlar qo'lida qaytadan sotilishining oldini olish, qolaversa muxlislar uchun qo'shimcha qulayliklar yaratish, bu orqali esa chiptalarning shaffof savdosini taminlash maqsadida O'zbekiston futbol associaciyasi iticket.uz chiptalar operatori bilan hamkorlikni yo'lga qo'ygan. Natijada iticket.uz milliy terma jamoa o'yini chiptalari savdosini to'liq hajmda amalga oshiradi.

O'zbekiston – Qirg'iziston uchrashuvi chiptalari sotuvga chiqarildi. Endilikda ishqibozlar vaqtlarini ketkazmay, stadion kassalarida uzundan-uzun navbatlarda turmasdan, uydan chiqmagan holda ham elektron shaklda chiptalar harid qilish imkoniga ega.

Ayni paytda muxlislar O'zbekiston – Qirg'iziston uchrashuvi chiptalarini iticket.uz saytida 3 xil toifada harid qilishlari mumkin:

1-toifa – 5 000 so'm;

2-toifa – 10 000 so'm;

CIP – 35 000 so'm.

CHipta bo'yicha batafsil malumotni iticket.uz saytidan olishingiz mumkin.