Mahmud Mahamadjonov: "Yangi jamoaga ko'nikish oson bo'ldi. Endi bor etibor termaga qaratiladi"

- Yangi jamoaga kirishib ketish oson bo'ldi. Hammasi yaxshi, u erdagi barcha yigitlar menga tanish edi. Klubdagi ishlarning barchasi joyida. Bu erga keldik, endi bor etibor bu termaga qaratiladi.

- Klubdan termaga o'tgandan keyin charchoq kuzatilmaydimi? Chunki bu baribir vatan jamoasi.

- Baribir o'yinlardan keyin charchoq bo'lishi mumkin. Bu tabiiy holat. O'yingacha barchasi joyiga keladi.

- Osiyo Kubogi saralashida Qirg'iziston, Shri-Lanka va Falastinga qarshi o'yinlar bo'ladi. Bu raqiblar haqida fikrlar qanday?

- Qirg'iziston bilan o'ynaganmiz, ularni bilamiz. Shri-Lanka va Falastinni bilish qiyin. Lekin ushbu raqiblarga qarshi o'yin uchun ham yaxshi tayyorgarlik ko'ramiz. Ularning o'yinlari videolari ham yo'q, tayyorlanish ham qiyinroq bo'ladi. Biroq bo'shashmasdan, bor diqqatni jamlab, g'alaba qozonishga harakat qilamiz.

- Saralash o'yinlarining Qirg'izistonda bo'lishi qanchalik yaxshi? Bizga qo'shni davlat. Agarda o'yinlar Shri-Lanka yoki Falastinda bo'lganida bizga qiyin bo'lardi.

- Men ham yaxshi bo'ldi deb o'ylayman. Uzoq va qiyin safarlar bo'lmaydi. Albatta, o'sha davlatlarga borish qiyinroq bo'lardi. Uzoqqa uchish ko'p charchoqni keltirib chiqaradi. Qirg'izistonda o'yinlarning bo'lishi biz uchun ham yaxshi holat.