O'zbekiston MTJ SHri-Lankaga qarshi uchrashuv oldidan mashg'ulot o'tkazdi + Doston Hamdamovning ertangi o'yin haqida fikri GALEREYA

Xabaringiz bor, Osiyo Kubogi-2023 saralash bahslarining final bosqichida Srechko Katanec boshchiligidagi O'zbekiston milliy terma jamoasi Tailand, Maldiv orollari va SHri-Lanka bilan "C" guruhidan joy olgandi. Ertaga Namangan viloyatida mazkur saralash bahslari start oladi. O'zbekiston milliy terma jamoasi ilk turda SHri-Lankaga qarshi o'yinoldi mashg'ulot o'tkazdi. Yig'inda tarkibga jalb etilgan barcha futbolchilar ishtirok etdi. Mashg'ulotlarning dastlabki 15 daqiqasi OAV xodimlari uchun tarzda o'tkazildi. SHuningdek, terma jamoa futbolchisi Doston Hamdamov bo'lajak bahs haqidagi fikrlari bilan o'rtoqlashdi.

- Bo'lajak o'yinga yaxshi tayyorgarlik ko'rdik. Buning samarasini ertaga muxlislar ko'z o'ngida namoyish etib, saralash bosqichini g'alaba bilan boshlamoqchimiz.

- Saralash bosqichi doirasida uchta uchrashuv o'tkazasizlar. Murabbiy uchala bahsga ham kuchni teng taqsimlagan holda o'yin namoyish etish kerakligi to'g'risida ko'rsatma berdimi yoki dastlabki to'qnashuvdayoq barcha kuchni sarflash kerakligini takidladimi?

- Albatta, o'yin tashkil etishimiz qanday raqib ekanligiga ham bog'liq. Biroq barcha uchrashuvlarda bor imkoniyatlarimizni ishga solamiz.

O'zbekistonlik taniqli futbol fotografi Hasan Pirmuhammedov (HP Photo)

Barcha suratlarni saytimizning GALEREYA bo'limi orqali tomosha qilishingiz mumkin.

Foto: Tolibjon Qosimov

Barcha suratlarni saytimizning GALEREYA bo'limi orqali tomosha qilishingiz mumkin.