O'rtoqlik o'yini: "Dinamo" - "SHerdor" - 3:0

Samarqanddagi “Dinamo” stadionida kechgan bahsda “Dinamo” Pro-Liga “B” guruhida ishtirok etayotgan Samarqandning yana bir klubi “SHerdor” jamoasiga qarshi o'rtoqlik o'yinida maydonga tushdi.

Ushbu uchrashuvda “Dinamo” bosh murabbiyi Davron Fayziev ham, “SHerdor” bosh murabbiyi Baxtiyor Sattorov ham bir qator futbolchilarni maydonga tushirishdi.

SHiddatli kurashlarga boy o'tgan bahsda “Dinamo” 3:0 hisobida raqibidan ustun keldi. O'yindagi hisobni birinchi bo'lim yakunida Abbosbek Jumaqulov ochdi. Hujumkor yarimhimoyachi 45-daqiqada jarima maydoniga yorib kirib, kuchli zarbasi bilan hisobni ochdi, 1:0.

75-daqiqada “Dinamo”ning navbatdagi hujumchini jamoa yangi azosi hujumchi Sanjar Barotov chiroyli yakunladi, 2:0.

86-daqiqada hisob yirik ko'rinishga keldi. CHap qanotdan hujumga o'tgan Jasur Azimov jarima maydoni tashqarisidan o'zining ajoyib zarbasi bilan darvozaning “to'qqizligi”ni aniq nishonga olib, yakuniy natijani o'rnatdi – 3:0.

Ushbu bahsdan so'ng, «Dinamo» 25 iyul kunidan Toshkentda yig'inga kirishadi. 27 iyul kuni Toshkentdagi dastlabki nazorat bahsida G'uzorning “SHo'rtan” jamoasiga qarshi maydonga tushilsa, 29 iyulda “Lokomotiv-BFK”, 31 iyulda esa “Nurafshon” klubiga qarshi saf tortishadi. Ushbu o'yinlar bilan “Dinamo” 5 avgust kuni start oladigan Pro-Liga uchinchi davrasiga tayyorgarlik ko'radi.

O'rtoqlik uchrashuvi.

24 iyul (seshanba)

Samarqand. “Dinamo” stadioni.

“DINAMO” – “SHERDOR” – 3:0 (1:0)

Gollar: Abbos Jumaqulov 45, Sanjar Barotov 75, Jasur Azimov 86.

“Dinamo” (1-bo'lim): SHohruh Raimov, Mirkomil Lokaev, Viktor Grigorev, Hakimxon Alamxonov, Firdavs Abdusalimov, Suhrob Izzatov, Jasur Azimov, Dilmurod Karimov, Otabek Narzullaev, Abbosbek Jumaqulov, Pavel Purishkin.

“Dinamo” (2-bo'lim): SHohrux Eshbo'taev, Komil SHarofutdinov, Akmal Xolmurodov, Hakimxon Alamxonov (Viktor Grigorev), Otabek Narzullaev (Jasur Azimov), Damir Temirov, Ilhom Yunusov, Dilmurod Karimov (Suhrob Izzatov), Jasur Ashurov, Daler Almosjonov, Sanjar Barotov.