Olamsport.com: Xilko beshinchi bor Olimpiadada ishtirok etadi
20 apr 2016 16:51
Yangiliklar

Olamsport.com: Xilko beshinchi bor Olimpiadada ishtirok etadi

Teglar : Olamsport.com

Braziliyaning Rio-de-Janeyro shahrida trampolin bo'yicha o'tkazilgan licenzion musobaqada hamyurtimiz Ekaterina Xilko saralash bosqichidan muvaffaqiyatli o'tib, kuchli sakkizlikdan joy olish bilan birga XXXI yozgi Olimpiya o'yinlariga ham yo'llanma oldi.

Etiborlisi, Rio-2016 o'yinlari Ekaterina Xilkoning faoliyatidagi beshinchi Olimpiada bo'ladi. Tajribali sportchimiz Olimpiya o'yinlaridagi ilk debyutini 2000 yili Sidney (Avstraliya)da bo'lib o'tgan Olimpiya o'yinlarida o'tkazgan edi. SHundan buyon Ekaterina ketma-ket Olimpiya o'yinlarida qatnashish baxtiga muyassar bo'lib kelmoqda.

SHu o'rinda takidlash joizki, dunyo trampolinchilari orasida shu kunga qadar to'rt nafar sportchi to'rt marotabadan Olimpiadada qatnashish huquqini qo'lga kiritgan edi. Demak, Ekaterina Xilko bu borada jahonda yakka peshqadamga aylandi.

Malumot uchun, Ekaterina Xilko 2008 yili Pekin (Xitoy)da o'tkazilgan Olimpiya o'yinlarida bronza medaliga sazovor bo'lgan.

Sportga oid boshqa xabarlarni olamsport.com saytida o'qing!

Havola :

Manba : olamsport.com

Yangiliklarni Telegramda o'qing!

Reyting: +2