OCHL-2021. "Paxtakor"ning guruhidagi raqiblar haqida malumotlar

Musobaqada biz bilan to'qnash keladigan jamoalar haqida qisqacha malumot berib o'tamiz. "SHarja" oxirgi yillarda BAAning eng kuchli jamoalaridan biriga aylandi. 2018/19 yilgi mavsumda sharjaliklar BAA chempioni bo'lgan. Joriy mavsumda ham Abdulaziz Anbari boshqarayotgan klub peshqadamlik qilmoqda. "SHarja" 6 marta BAA chempionati va 8 bor BAA Prezidenti Kubogida zafar quchgan. Klub safida BAA termasiga nomzod futbolchilar. 6 nafar braziliyalik va hamyurtimiz Otabek SHukurov o'ynaydi.

"Traktor" bilan "Paxtakor" 2016 yil CHempionlar Ligasida to'qnash kelgan. Toshkentda 1:0 hisobida g'alabaga erishgan "Paxtakor" Tabrizda 0:2 hisobida mag'lubiyatga uchragan. Ayni paytda Masud SHojayi boshchilik qilayotgan "Traktor" Eron chempionatida 4-pog'onani egallab turibdi. Jamoada jazoirlik hujumchi Okacha Hamzaviy faoliyat yuritmoqda. Bir qator o'yinchilari Eron terma jamoasiga nomzod sanaladi.

Saudiya Arabistonining "Al Vahda" jamoasini Ivo Vieyra boshqarmoqda. Ayni paytda makkaliklar chempionatda 10-o'rinni egallab turishibdi. Iroqning "Al Quva Al Javiya" klubi bilan 2019 yil saralash bosqichida to'qnash kelib, 2:1 hisobida zafar quchganmiz. Joriy mavsumda ushbu jamoa Iroq chempionatida peshqadam bo'lib turibdi.