Nizom Mamasoliev: “Maqsadimiz – Jahon chempionati kubogini O'zbekistonga olib ketish”

Bahs 3:1 hisobida O'zbekiston terma jamoasi g'alabasi bilan yakun topdi. O'yindan keyin terma jamoa himoyachisi Nizom Mamasoliev o'z fikrlari bilan o'rtoqlashdi. 

“Bu o'yinda omad ham biz tomonda bo'ldi. Qolaversa, tajriba evaziga g'alaba qozondik. Yigitlar hammasi g'alaba uchun oxirigacha kurashdi. Polsha terma jamoasi ham yaxshi ekan. Jismoniy holati alo darajada ekani ko'zga tashlandi. 

Bugun Ispaniya terma jamoasiga qarshi o'ynaymiz. Bu o'yinda g'alaba qozonib, guruhni peshqadam sifatida yakunlash niyatidamiz. Qolaversa, Ispaniya va Tanzaniya uchrashuvida durang qayd etilgani ham bizga foydali bo'ldi.

Asosiy maqsadimiz – Jahon chempionatida g'olib chiqish. Jarohatlarsiz  musobaqani tugatishimiz va xalqimizga kubokni sovg'a qilish istagidamiz”, - deya so'zini yakunladi Mamasoliev.