“Neftchi” “Cementchi”ni mag'lub etdi

 “Dinamo” bilan o'yinga tayyorgarlik bosqichiga kiruvchi mazkur bellashuvda Vadim Karlenovich shogirdlari kichik hisobda g'alabaga erishishdi. Birinchi bo'limda Abbos Maxstalievning  jarima to'pidan kiritilgan goli “Neftchi”ning muvaffaqiyatiga etarli bo'ldi.

Uchrashuvda Vadim Abramov ikki xil tarkibni ko'zdan kechirdi. Birinchi bo'limda asosiy tarkib futbolchilari maydonga tushishgan bo'lsa keyingi bo'limda aralash tarkib harakatlandi. Yani navbatdagi bo'limda asosan yoshlar jamoasi o'yinchilariga imkoniyat berildi. O'z vaqtida “Neftchi” jamoasida safida faoliyat olib borgan Otabek Haydarov ayni kunlarda jamoa ko'rigida bo'lib turibdi. Jamoamiz ustozi “Cementchi”ga qarshi bellashuvda Haydarovni ham maydonga tushirdi. “Neftchi” “Cementchi”ga bilan bellashuvda quyidagi tarkibda o'ynadi.

Asosiy tarkib: Abdumavlon Abdujalilov, Dilyor Irmatov, Muhsin Ubaydullaev, Baxtiyor Yoqubov, Mirjamol Nematov, Javohir Rasulov, Muzaffar Muzaffarov, Abbos Maxstaliev, Nikita Pavlenko, Abdurahmon Abdulhaqov, Mo'ydin Mamazulumov

Zahiradan maydonga tushganlar: Otabek Isroilov, Umid Qodirov, Furqat Hasanboev, Said Abdujabborov, Akram Bahriddinov, Islom Toshpo'latov, Rizo Ayvazov, Xurshid Asqaraliev, SHodiyor Xojimatov, Otabek Haydarov

Eslatib o'tamiz, Oliy liganing 13-turida “Neftchi” jamoasi Samarqandning “Dinamo” jamoasini o'z maydonida qabul qiladi. Bellashuv 14 iyun kuni o'tkazilinadi.