Ekspert fikri. Ibrohim Otaxonov: "Andijon"ga nafaqat bugun balki keyingi o'yinda ham oson bo'lmaydi"

Aksariyat uchrashuvlarda kurash maydon ichida yoki tashqarisida bo'lyapti. Muxlislar jamoalarini tinimsiz qo'llab-quvvatlayotgan bo'lsa, futbolchilar o'z o'yinlari bilan bunga javob berishga harakat qilyapti. "Bobur Arena" mezbonlik qiladigan "Andijon" - "Paxtakor" to'qnashuvi ham yuqoridagi kabi o'tishi kutilmoqda. Bu o'yindan oldin "burgutlar"ning sobiq futbolchisi Ibrohim Otaxonovga yuzlandik. 

- "Andijon" - "Paxtakor" uchrashuvida jamoalarning imkoniyatlarini qanday baholaysiz?

- Fikrimcha, "Andijon" 2 ta mag'lubiyatdan so'ng xulosa chiqaradi. Jamoa muxlislari oldida "Paxtakor"dan ochko olishga harakat qiladi deb o'ylayman. Taxminim bugun durang qayd etilsa kerak. "Andijon"ga keyingi o'yin ham oson bo'lmasligi aniq, chunki Samarqandda "Dinamo" bilan bahs kutib turibdi. 

- Maksim Shackix jamoasi qanday taassurot qoldiryapti? Yangi kelgan futbolchilarchi?

- Yangi murabbiy qo'l ostida hozircha o'z o'yinini topa olmayapti, yangi futbolchilar kelgani jamoa zo'r o'ynashini bildirmaydi. Ularga ham moslashishi uchun vaqt kerak bo'ladi. 

- OCHL qurasidan kelib chiqsak, "Andijon"ga qanday raqiblar ro'baro' keldi?

- "Andijon" uchun hech bir o'yin oson kechmaydi. Adashmasam, jamoaga guruhdan chiqish vazifasi qo'yilgan. Imkon qadar uydagi o'yinlarda muxlislarni xursand qilib g'alaba qozonishlari kerak. 

Abdulaziz Iskandarov