"Navbahor" Turkiyadagi dastlabki o'rtoqlik uchrashuvida durang qayd etdi

Xabaringiz bor, "Navbahor" klubi yangi mavsumga tayyorgarlikni Turkiyaning Antaliya shahrida o'tkazmoqda. Klub matbuot xizmatining xabar berishicha, "lochinlar" o'zlarining ilk o'rtoqlik uchrashuvlarini o'tkazishgan. 

"Yangi mavsumga tayyorgarlikni Turkiyaning Antaliya shahrida olib borayotgan “Navbahor” bugun mazkur o'quv-mashg'ulot yig'ini doirasidagi dastlabki nazorat-sinov bahsini o'tkazdi. Ilk o'rtoqlik o'yinida jamoamizga Vengriyaning “Spartakus Niredxaza” (Niredxaza) klubi raqib bo'ldi. 

Takidlash joizki, mazkur nazorat uchrashuvining har ikki bo'limida “lochinlar” ikki xil tarkib bilan harakat qilishdi. 

Aytish lozimki, mazkur bellashuvning 1-bo'limida ustunlik vakillarimiz tarafida bo'ldi. Ammo futbolchilar imkoniyatlardan foydalana olishmadi. 

Ikkinchi bo'limda “Navbahor” maydonda bir kishi kam bo'lib, harakat qilganligi bois, ikkinchi 45 daqiqalikdagi o'yin teng kurashlar ostida o'tdi. SHunday bo'lsada, hech qaysi futbolchiga darvozani ishg'ol etish nasib etmadi va uchrashuvda nursiz durang qayd etildi – 0:0", - deya xabar beradi "Navbahor" klubi matbuot xizmati.