"Navbahor", "Lokomotiv" va "Metallurg"ning g'alabasiz seriyasi qachon tugaydi? - Superliganing 15-turi haqida

Biz esa turning qiziqali malumotlari, faktlari bilan o'rtoqlashamiz. 

- Sunnatilla Abdullajonov "Olimpik" safida maydonga tushgan eng yoshi katta futbolchiga aylandi. Bunga qadar "Olimpik" safida 2001 yildan oldin tug'ilgan futbolchilar umuman maydonga tushmagan edi.

- Jasur Hakimov "Lokomotiv" tarkibidagi debyut golini urdi.  SHu tariqa, 30 yoshli futbolchi O'zbekiston chempionatida 9 ta turli klub tarkibida gol urishga erishdi. 

- Jamoalar tarixidagi barcha 4 ta o'yinda ham darvozalarga gol urildi. 

- "Lokomotiv"ning Superligadagi g'alabasiz seriyasi 12 ta o'yinga etdi. 

- "Dinamo" 2017 yildan buyon mehmonda "Neftchi"ni mag'lub eta olayotgani yo'q. 

- Manuchehr Safarov joriy mavsum Superligada ilk bor raqib darvozasini ishg'ol qildi. 

- "Metallurg" himoyachisi Azizbek Pirmuhammedov Superligada debyut golini urdi.

- "Bunyodkor" himoyachisi Boburbek Yo'ldoshev 995 kundan so'ng Superligada gol urdi.

- "So'g'diyona" himoyachisi Islomjon Qobilov 1194 kundan so'ng Superligada gol urdi. 

- "Nasaf" yarim himoyachisi Javohir Sidiqov ketma-ket 9-yil (o'zi maydonga tushgan barcha yillarda) Superligada gol urdi.

- "Paxtakor" Maksim SHackix boshchiligida "Nasaf"ni mag'lubiyatga uchrata olayotgani yo'q. "SHerlar" so'nggi marotaba 2021 yil Piter Xyuistra murabbiyligi davrida raqibidan ustun kelgan. 

- "Bunyodkor" o'z maydonida "Andijon"ga mag'lubiyatga uchramaslik seriyasini davom ettirdi, 14 o'yin, 13 g'alaba, 1 durang. "Burgutlar" Toshkentdagi yagona ochkosini 2012 yil qo'lga kiritgan. 

- "Andijon" bu mavsumda safardagi birinchi mag'lubiyatini "Bunyodkor"dan qabul qilib oldi. 

- Sergey Lushchan o'zi boshqargan jamoalarda Mirjalol Qosimov jamoalarini yutishni uddasidan chiqa olmayapti, 4 o'yin 4 mag'lubiyat. 

- OKMKning albaniyalik hujumchisi Kleydi Dacidan ajoyib yurish, u 2 ta uchrashuvda raqib darvozasiga 3 bor yo'l topdi. 

- Olmaliqliklarning xorvatiyalik legioneri Mixael Klepac Superligadagi debyut goliga mualliflik qildi. 

- Mirjalol Qosimov shogirdlari o'z maydonidagi so'nggi 4 ta uchrashuvda 4 ta g'alabani qo'lga kiritdi. 

- "Lochinlar" Superligada ketma-ket 7 o'yinda maydonni 3 ochkosiz tark etdi. 

- "Metallurg" elitada g'alaba qozonmagan yagona jamoa bo'lib turibdi. 

- "Nasaf" va "Navbahor" bu mavsum o'z maydonida hali mag'lubiyatga uchragani yo'q. 

- "Bunyodkor" joriy yil hisobidan safarda hali yutuqni o'ziniki qilmadi.