"Navbahor" jamoasi azolari "Sug'diyona" bilan uchrashuvdan oldin "Afsonalar vodiysida"da tadbir tashkil qildi

Kecha "Navbahor" jamoasi rahbariyati tomonidan o'ziga hos banket uyushtirildi. Unda jamoa azolari, murabbiylar Namangan shahrida joylashgan "Afsonalar vodiysi"ga tashrif buyurishdi. Quyida bayramona tarzda o'tgan tadbirdan olingan fotosuratlarni tomosha qilishingiz mumkin. Malumot o'rnida aytish mumkinki, "lochinlar" navbatdagi uchrashuvni o'z maydonida Ulug'bek Baqoev boshchiligidagi "Sug'diyona"ga qarshi o'tkazadi. 

Tadbir yakunlangach "Navbahor" sardori Azim Ahmedov taassurotlari bilan o'rtoqlashdi.

"Bunday tadbirdan taassurot va hissiyotlar faqat ajoyib bo'ladi. Jamoa bilan shahrimizdagi "Afsonalar vodiysi"da sayr qildik va hordiq chiqardik. Kayfiyatimiz alo darajada. Xuddi shu ruhiyat oxirigacha biz bilan birga bo'lishini tilab qolaman. "Sug'diyona" bilan uchrashuvdan oldin mazkur tadbir yanada kuch va ishonch berishi shubhasiz. Jizzax jamoasi bilan o'yinga jiddiy tayyorgarlik ko'ramiz. Ular ham o'ziga yarasha kuchli va muammo tug'dira oladi. G'alaba qozonib muxlislarimizni xursand qilishni istaymiz",- deydi Azim Ahmedov.