Muxtor Qurbonov: "BAA bilan uyda o'ynayotganimizni ilk daqiqalardan ko'rsatishimiz kerak"

Muhim bellashuv oldidan tajribali mutaxassis va O'zbekiston terma jamoasi sobiq o'yinchisi Muxtor Qurbonovning fikrlari bilan qiziqdik. 

Uzbekistan

World Cup Qualification AFC 3rd Round Grp. A . 4-tur 15/10/2024, 19:00 - : - Boshlanmadi

UAE

Match-senterda ochish

"Eron bilan o'yin yopiq scenariy   ostida o'tdi. Ikki jamoa ham himoyaga ko'proq etibor qaratdi. Yaxshi tomoni shuki bir ochkoga ega chiqdik. Himoyada tartibli o'ynaganimizga qaramay ularda 2-3 ta golga tortadigan yaxshi vaziyatlar bo'ldi. Bizda Jaloliddin Masharipovda shunday keskinlik yuzaga kelgandi. Afsuski, gol bo'lgani yo'q. 

BAA bilan o'yin qiziqarli kechishi aniq. Raqib yaxshi o'yin ko'rsatadigan, tarkibiga lotin Amerikasining bir nechta vakillarini qo'shib olgan jamoa hisoblanadi. Bu jamoa to'pni nazorat qilishni va hujum qilishni xush ko'radi deya olaman. Amirlik futbolchilarini ko'proq to'psiz qoldirishimiz kerak. O'yin nazorati vakillarimizda bo'lishi lozim. Uyda o'ynayotganimizni ilk daqiqalardan ko'rsatishimiz shart. Bu bahsda uch ochko osonlik bilan qo'lga kiritilmaydi. Eng muhimi Eron bilan o'yindan keyingi tiklanish jarayoni. Futbolchilar yuz foiz shay holatda turishi g'alabamizda muhim rol o'ynaydi",- deydi Muxtor Qurbonov.