Muhsin Muhammadiev: "Buxoro"ning bu yildagi mag'lubiyatlari tugadi"

"Bugun yomon o'ynamadik, to'pni nazorat qildik. Ammo hujumda ishlarimiz yurishmadi. Ikkita shart bo'lmagan golni o'tkazib yubordik. Klubga yaqinda keldim va o'yinni o'zgartirishga urinayapman, yigitlar hali bunga ko'nikib ulgurishgani yo'q. Ikkinchi davrada butunlay boshqacha jamoani ko'rasizlar, bu yildagi barcha mag'lubiyatlar tugadi deb o'ylayman.

Jamoadagi kamchiliklarni albatta ko'rdim, ammo ularni jamoa ichida muhokama qilamiz.

Men o'ynagan paytdagi futbolchilar hozirgilaridan kuchliroq deb bilaman. Bizning paytimizda bitta turdan faqat bitta bahs TV orqali namoyish etilardi. Hozir butun dunyo futbol tomosha qilmoqda, oldin bunchalik ko'p axborot bo'lmasdi. Ammo fikrlash bo'yicha baribir bizning davr futbolchilari kuchliroq deb bilaman", - deydi Muhsin Muhammadiev. 

Bekzod Tolibov yozib oldi