Moziyga qaytib... Bardam bo'l, Igor!

(“Toshkent haqiqati” gazetasining 1991 yil 2 fevral sonidan olingan).

Bizni kechir, Igor. Ushbu suratni senga ancha oldin berishimiz kerak edi. CHunki o'sha kuni uyingda bo'lganimizda jajji Lyudmila bo'yningga osilib «Dada, rasmimni qachon ko'raman» deb so'raganida, bizning nomimizdan unga «tez orada» deb vada berib yuborgan eding...

Avval Greciya safaridan kelishingni kutdik. So'ngra paxtakorchilar bilan Malayziyaga ketishingni eshitib qoldik. Ro'znomalar ham SHkvirin «Paxtakor» bilan jo'nab ketdi deb xabar berdilar. Lekin so'nggi paytda bu safardan majburan qolganingni ko'pchilik bilmasdi...

Xabarim bor, o'sha kuni safardan oldin yaqinlaring sen bilan hayrlashgani uyingga tashrif buyurgandilar. Qo'li gul turmush o'rtog'ing ularni chuchvara bilan siylamoqchi bo'ldi. Xamir yaxshi pishishi uchun suvni yaxshilab qaynatdi. U xonadan bu xonaga sakrab yurgan Lyudmila oshxonaga kirganida to'satdan toyib ketdi. Erga boshi bilan tushmasligi uchun jajji qo'lchalari bilan bir nimani ushlab qoldi. U... qaynoq suv to'la kastryul edi. Qizchaning chinqirishidan hamma oshxonaga otilib chiqdi. Kimdir uni tez echintirish lozimligini aytdi. Biroq shilvirab qolgan teridan kiyimni ajratish oson emas edi...

Hayotingdagi eng mudhish to'rt kunni reanimaciya bo'limida bedor o'tkazganingni ham bilaman Igor, to'rt yarim yasharli Lyudmilang so'nggi bor ko'zlarini ochib seni bir umrga tashlab ketganida dahshatli qichqirig'ingdan kasalxona larzaga kelganini ham eshitdim.

Bu mudhish voqeani aytib, yarangga tuz sepmoqchi emasman. Qizingning surati aks etgan har bir buyumni avaylab olib qo'yishingga ishonaman CHunki, u o'zidan faqat suratini yodgorlik qilib qoldira oldi.

Biroq... Taqdirning bunday beshafqatligini kim ham bilibdi deysan. O'sha kuni ham sen bilan qisqa muddatga hayrlashgani kelgan yaqinlaring yolg'izing - jajji qizchang bilan bir umrga vidolashgani kelayotganlarini bi- larmidilar?!

Bardam bo'l, Igor! Farzand dog'i qanchalik og'ir bo'lmasin, uni munosib ko'tarishga harakat qil. Ko'p sonli mushtariylar, barcha futbol muxlislari nomidan senga chuqur taziya izhor qilamiz...

                                                                                        Abror IMOMXO'JAEV.